لإجراء الإختبار من فضلك إدخل على ذلك الرابط :
https://bit.ly/39Dtmw0
ما هو فيروس كورونا ؟
الفترة اللي بنعيشها ظهر فيروس خطير مرض وبائي عالمي اسمه فيروس كورونا واسمه العلمي (coved-19)
نوع جديد من انواع الفيروسات التي تسبب إصابة قوية للجهاز التنفسي ظهر لأول مرة في مدينة ووهان الصينية
وهو عبارة عن مجموعة فيروسات شائعة ,سميت بالاسم دة بسبب ان في بعض البروز موجودة على سطحها ,
البروز بتشبه تاج crown بدرجة كبيرة علشان كدة أطلق عليها فيروسات الكورونا , بعض أنواع الفيروسات دي ممكن
تصيب الإنسان , أشهرهم ثلاثة أنواع ,
الأول : (mers) متلازمة الجهاز التنفسي الشرق أوسطي
الثاني :(sars) متلازمة التنفس الحادة
الثالث :(coved-19) كورونا المستجد
أعراضها تشبه نزلات البرد العادية والانفلونزا بدرجة كبيرة جدا ,بتبدا بتعب خفيف وبعد كدة التعب دة بيزيد جدا مع الوقت
كمان بتسبب امراض خطيرة زي التهابات في الرئة والتهابات في الشعب الهوائية والحمي والسعال وضيق التنفس .
طيب الاعراض دي بتظهر مرة واحدة ولا على فترات ؟
لا الاعراض دي زي ماقولنا بتبدا بتعب خفيف وبعد كده التعب دة بيزيد ويفضل مستمر معاك من يومين لحد 14 يوم ممكن تخف منه وممكن لاقدر الله يؤدي للوفاة .
طيب هي ازاي العدوى ممكن تنتشر اصلا او ازاي اعرف اني اخدت العدوي ؟
عادة العدوى تنتقل من شخص مصاب بالفيروس لشخص سليم وده بيكون عن طريق 4 حاجات ..
- انك تتكلم مع حد ونفسه ييجي في وشك عن طريق العطس مثلا
- انك تسلم على الشخص المصاب دة او تصافحوا
- انك تلمس اي حاجة ممكن تكون مصاحبة للفيروس زي كرسي او سور سلم وبعد كدة تقوم بلمس العين او الانف او الفم
- نادر شوية انه ممكن ينتقل عن طريق البراز
مين هما اكتر ناس ممكن تجيلهم إصابة عدوى فيروس كورونا ؟
بالتأكيد كبار السن والأطفال والمرضى اللي بيعانوا من ضعف الجهاز المناعي طبعا غير المصابين ببعض الأمراض المزمنة زي مرضى الكلى والسكري والكبد ,بس خلينا متفقين ان اي شخص ممكن تجيلوا العدوى بسهولة حتى لو كان شاب .
طب اعرف منين ان عندي فيروس كورونا في ايامه الاولي وعايز الحقوا ؟
هتلاقي العدوي عندك بتتحرك تدريجي من خفيفة الى معتدلة زي اي دور برد عادي الاعراض دي هتكون عبارة عن :
1. سيلان الأنف
2.التهابات الحلق
3.الصداع
4.الحمي
5.السعال
6.التعب العام والإجهاد الشديد
ليست هناك تعليقات:
إرسال تعليق